1. EVITA MAL KOMPANÍA.
Si bo ta kana ku mal kompania lo bo wòrdu influeshá dor di nan. Beibel ta bisa: 2KO 6:17 "Pesei, sali for di meimei di nan i separá boso mes, SEÑOR ta bisa. I no mishi ku loke ta impuru; i lo Mi risibí boso."
2. EVITA E DI DOS MIRADA.
Bo no por evitá e promé mirada pero si e di dos.
3. Wak bo manera di papia.
Evitá papiamentu di kosnan sushi i chistenan di dobel sintí. 1KORINTIONAN 15:33 No laga hende gaña boso: "Mal kompania ta daña bon kustumber."
4. TENE KWIDOW KU BO MANERA DI BISTI.
Tene kwidow kon bo ta bisti. Bistimentu ta pone hende pensa mas alew. Awor ku bo ta den Cristo bo tin ku bisti desente.
5. SKOHE KU KWIDOW E PROGRAMANAN KU BO TA WAK NA T.V
E salmista a bisa: Lo mi no pone nada malu dilanti di mi wowo. Mi ta aboresé e obra di esnan ku ta desviá; esei lo no tin gara riba mi. SAL 101:3
6. TENE KWIDOW KU LOKE BO TA LESA.
Hopi buki i revistanan moderno ta yen di kosnan sexual. Mi ta aboresé e obra di esnan ku ta desviá; esei lo no tin gara riba mi. SAL 101:3
7. Bo mester ta kwidadoso ku bo tempu liber.
David tabatin tempu den su man, e la mira Betsabé i a kai den adulterio.
8. TIN KOMO META DEN BO BIDA NO ENVOLVI BO MES KU UN HENDE DESHONESTO I /OF KU PERSONANAN INKONVERSO.
A bo hoben ku tin Cristo Jesus den bo vida tin e poder pa bisa no, i tambe bo tin poder pa disipliná bo bida.
9. DEDIKA HOPI TEMPU NA E PALABRA DI DIOS.
E salmista a bisa den SALMO 119:11 Bo palabra mi a skonde den mi kurason, pa mi no peka kontra Bo...Memorisá e versíkulo aki, i ora tentashon bini, ripitié. E palabra di Dios ta e úniko arma ku satanas no por gana.
10. TENE KRISTU-HESUS DEN BO BIDA I DEN BO KURASON.
Kristu a warda hopi hoben di kai den tentashon i den inmoralidat. Krese na imagen i semehansa di bo Kreador. EKLESIASTES 12:1 ta bisa: Kòrda tambe riba bo Kreador den e dianan di bo hubentut, promé ku e dianan malu bin i e añanan yega serka, di kualnan lo bo bisa: "Mi no tin goso den nan"
EKLESIASTES 11:9 Regosihá, hoben, durante di bo hubentut, i laga bo kurason tin plaser durante di e dianan di bo adolesensia. I sigui e kamindanan di bo kurason i e deseonan di bo wowo. Ma sabi sí ku Dios lo huzgabo pa tur e kosnan aki.
|
