Bo tin hopi balor pa Dios

Bo tin hopi balor pa Dios
Ma awor ku boso a wòrdu librá di piká i a bira esklabu di Dios, e benefisio ku boso tin ta resultá den santifikashon, i e fin, bida etèrno. Pasobra e pago di piká ta morto, ma e don di grasia di Dios ta bida etèrno den Cristo Jesus, nos Señor. ROM 6:22-23
Dos soldá mester a gia un un trupa pa bai gera i pa pasa drenta den teritorio di e enemigu. Na momentu ku un di e soldánan a yega na liña di teritorio peligroso, nan mester a pasa lo mas lihé posibel dor di e tereno ei, promé ku e enemigu haña nan. Pero diripiente un bom a bula den nan besindario, i un di e soldánan a wordu herida. E otro soldá, ku mester a sigi dilanti, a bira bai bek bai yuda esun ku tabata heridá i ela lora un paña na su heridá i a poné na un lugar sigurá. Un par di seconde despues un bala di skopet a alkansá e solda aki, ku a juda e otro na kual ela muri mesora. E solda ku a sobreviví i ku a wòrdu yudá, mas despues a disidi di skirbi un buki ku yama “Nunka un hende a balorámi asina tantu” Na un fin manera mirá, Cristo tambe a “tuma un bala di skopet” na nos lugá. Nos a nasé den piká, nos tur ta pekadór. Romanonan Kapitulo 6 versikulo 23 ta bisa ku e pago di piká ta morto. Pero dor di Dios Su gran Amor, Su uniko Yu Cristo Jesus a bira hende , i a biba mei mei pekadornan, pa ultimamente tuma riba dje e kastigu ku abo i ami mester a haña. Señor Cristo Jesus a reskatá nos for di morto, tumando e bala di kastigu i di morto riba dj´E. I awor nos por tin bida i bida na abundansia. Abo tin e bida ei ?? Sino ta asina , kere den Cristo Jesus so komo bo úniko i sufisiente Salbador i entrega bo bida den Su man. I asin´ei lo bo por bisa huntu kumi :“ Nunka ningun hende a balorámi manera Cristo Jesus a hasié” Pesei mi ruman, mi amigu, mi amiga, si ningun hende no ta balorábo, si ningun hende no ta stimabo, si bo ta sintibo bo so, maske kuantu hende tin rondo di bo, si bo ta heridá i no tin hende pa yudabo......si bo ta kontentu pafo ....pero bo paden ta yora pa libertat i bida... Señor Cristo Jesus tei pa yudabo, karga bo, kura bo heridanan, kompañabo i mas importante ahinda e tei pa salbabo i dunabo bida. Ban den orashon : Tata mi ta duna bo danki awe pa e loke Cristo Jesus a hasi pa mi i pa kada persona riba e mundu aki. Ku momento nos tabata heridá di piká i sin forsa Cristo Jesus a bin pa kura nos heridanan i risibi e kastigu ku nos mester a haña. Mi ta pidi bo pa mi por realisá kuantu balor mi tin pa Bo. Pa asina ei mi por kere den Cristo komo mi Salbador. Den nòmber di Jesus mi ta pidibo esakinan .....Amen...i Amen...

Ma awor ku boso a wòrdu librá di piká i a bira esklabu di Dios, e benefisio ku boso tin ta resultá den santifikashon, i e fin, bida etèrno. Pasobra e pago di piká ta morto, ma e don di grasia di Dios ta bida etèrno den Cristo Jesus, nos Señor. ROM 6:22-23

Dos soldá mester a gia un un trupa pa bai gera i pa pasa drenta den teritorio di e enemigu.
Na momentu ku un di e soldánan a yega na liña di teritorio peligroso, nan mester a pasa lo mas lihé posibel dor di e tereno ei, promé ku e enemigu haña nan. Pero diripiente un bom a bula den nan besindario, i un di e soldánan a wordu herida. E otro soldá, ku mester a sigi dilanti, a bira bai bek bai yuda esun ku tabata heridá i ela lora un paña na su heridá i a poné na un lugar sigurá. Un par di seconde despues un bala di skopet a alkansá e solda aki, ku a juda e otro na kual ela muri mesora.
E solda ku a sobreviví i ku a wòrdu yudá, mas despues a disidi di skirbi un buki ku yama
“Nunka un hende a balorámi asina tantu”

Na un fin manera mirá, Cristo tambe a “tuma un bala di skopet” na nos lugá. Nos a nasé den piká, nos tur ta pekadór. Romanonan Kapitulo 6 versikulo 23 ta bisa ku e pago di piká ta morto. Pero dor di Dios Su gran Amor, Su uniko Yu Cristo Jesus a bira hende , i a biba mei mei pekadornan, pa ultimamente tuma riba dje e kastigu ku abo i ami mester a haña. Señor Cristo Jesus a reskatá nos for di morto, tumando e bala di kastigu i di morto riba dj´E. I awor nos por tin bida i bida na abundansia. Abo tin e bida ei ?? Sino ta asina , kere den Cristo Jesus so komo bo úniko i sufisiente Salbador i entrega bo bida den Su man. I asin´ei lo bo por bisa huntu kumi :“ Nunka ningun hende a balorámi manera Cristo Jesus a hasié”

Pesei mi ruman, mi amigu, mi amiga, si ningun hende no ta balorábo, si ningun hende no ta stimabo, si bo ta sintibo bo so, maske kuantu hende tin rondo di bo, si bo ta heridá i no tin hende pa yudabo......si bo ta kontentu pafo ....pero bo paden ta yora pa libertat i bida...
Señor Cristo Jesus tei pa yudabo, karga bo, kura bo heridanan, kompañabo i mas importante ahinda e tei pa salbabo i dunabo bida.

Ban den orashon :

Tata mi ta duna bo danki awe pa e loke Cristo Jesus a hasi pa mi i pa kada persona riba e mundu aki. Ku momento nos tabata heridá di piká i sin forsa Cristo Jesus a bin pa kura nos heridanan i risibi e kastigu ku nos mester a haña. Mi ta pidi bo pa mi por realisá kuantu balor mi tin pa Bo. Pa asina ei mi por kere den Cristo komo mi Salbador. Den nòmber di Jesus mi ta pidibo esakinan .....Amen...i Amen...

En-Hakore