Disfrutá den Señor i prediká e evangelio te dia bo bai serka djÉ….

Disfrutá den Señor i prediká e evangelio te dia bo bai serka djÉ….
Esaki ta loke mi a mira ku ta bon i konveniente: pa kome, pa bebe i pa un hende gosa su mes den tur su trabou ku el a traha duru p'é bou di solo durante di e poko añanan di bida ku Dios a dun'é; pasobra esaki ta su rekompensa. Eklesiastes 5:18
Na prome lugá mi kier a enkurashá bo ku no tin Kristu ahinda den bo bida pa aseptelé awe, djis rekonos´É ku bo ta un pekador dilanti di Dios (Rom 3:23 Tur a peka i ta falta e Gloria di Dios) i kere den Kristu Hesus komo bo Señor i Salbador (Juan 3:16). Awor na momento ku bo bira Kristian, den transkurso di tempu dor di neglisensha Spiritual e bida Kristian ta bira laf i sin sabor. Bo ta bira un persona e ora ei, ku na lugá di disfrutá di e kosnan di Dios bo ta hala mas i mas patras for di e kosnan di Dios. Kristu Hesus a primintí den Juan 10:10 ku E ta ofresé bida i bida na abundansia. Pero unda e bida na abundansia ei ta òf a keda i kon mi por saka lo máksimo for di dje…?? Ta prueba i problema so mi ta mira rondo di mi i mi no ta mira nada di kual mi por disfruta di dj’e. Sinenbargo Pablo a relatá den 2 Korintionan 5:7 ku pasobra nos ta kana pa medio di fe, no pa medio di bistanos. “NOS NO TA BIBA PA BISTA SINO PA FÉ” Kada Kristian mester kompronde ku nan speransa no ta den net-net-net nada terenal, sino den loke ta selestial, loke ta di ariba, loke ta di Dios. E palabra disfrutá ta enserá “gosa den” of “pasa bon” of “tin un tempu alegre”. Aki ta sigi mas versikuló ku nos por medita (pensa) riba djé. SALMO 68:3 Ma laga e hustunan ta kontentu; laga nan regosihá dilanti di Dios; sí, laga nan gosa di alegria. EKLESIASTES 3:22 I mi a mira ku no tin nada mihó pa hende ku gosa den su aktividatnan, pasobra esei ta su parti. ISAIAS 61:10 Lo mi gosa grandemente den SEÑOR; mi alma lo regosihá den mi Dios, pasobra El a bistimi ku e bistínan di salbashon. SALMO 32:11 Sea kontentu den SEÑOR i regosihá, boso, hustunan, i grita di alegria, boso tur ku ta rekto di kurason. Orashon: Señor, Bo palabra ta bisa den SALMO 64:10 E hende hustu lo ta kontentu den SEÑOR i lo tuma refugio den djE. Señor siñami gosa den Bo. Dunami atrobe e goso di Bo salbashon, i sostenémi ku un spiritu boluntario. Mi kier gosa den Bo amor i mi kier gosa den loke mi tin. Danki ku Bo ta sostené, den nòmber di Bo Yu Cristo Jesus. Pa pone den praktika riba e dia di awe: 1TESALONISENSENAN 5:18 sea gradisido den tur kos; pasobra esaki ta e boluntat di Dios pa boso den Cristo Jesus.

Esaki ta loke mi a mira ku ta bon i konveniente: pa kome, pa bebe i pa un hende gosa su mes den tur su trabou ku el a traha duru p'é bou di solo durante di e poko añanan di bida ku Dios a dun'é; pasobra esaki ta su rekompensa. Eklesiastes 5:18

Na prome lugá mi kier a enkurashá bo ku no tin Kristu ahinda den bo bida pa aseptelé awe,
djis rekonos´É ku bo ta un pekador dilanti di Dios (Rom 3:23 Tur a peka i ta falta e Gloria di Dios)
i kere den Kristu Hesus komo bo Señor i Salbador (Juan 3:16).

Awor na momento ku bo bira Kristian, den transkurso di tempu dor di neglisensha Spiritual e bida Kristian ta bira laf i sin sabor. Bo ta bira un persona e ora ei, ku na lugá di disfrutá di e kosnan di Dios bo ta hala mas i mas patras for di e kosnan di Dios.
Kristu Hesus a primintí den Juan 10:10 ku E ta ofresé bida i bida na abundansia.

Pero unda e bida na abundansia ei ta òf a keda i kon mi por saka lo máksimo for di dje…??
Ta prueba i problema so mi ta mira rondo di mi i mi no ta mira nada di kual mi por disfruta di dj’e.
Sinenbargo Pablo a relatá den 2 Korintionan 5:7 ku pasobra nos ta kana pa medio di fe, no pa medio di bistanos. “NOS NO TA BIBA PA BISTA SINO PA FÉ”

Kada Kristian mester kompronde ku nan speransa no ta den net-net-net nada terenal, sino den loke
ta selestial, loke ta di ariba, loke ta di Dios.

E palabra disfrutá ta enserá “gosa den” of “pasa bon” of “tin un tempu alegre”. Aki ta sigi mas versikuló ku nos por medita (pensa) riba djé.

SALMO 68:3 Ma laga e hustunan ta kontentu; laga nan regosihá dilanti di Dios; sí, laga nan gosa di alegria.

EKLESIASTES 3:22 I mi a mira ku no tin nada mihó pa hende ku gosa den su aktividatnan, pasobra esei ta su parti.

ISAIAS 61:10 Lo mi gosa grandemente den SEÑOR; mi alma lo regosihá den mi Dios, pasobra El a bistimi ku e bistínan di salbashon.

SALMO 32:11 Sea kontentu den SEÑOR i regosihá, boso, hustunan, i grita di alegria, boso tur ku ta rekto di kurason.

Orashon: Señor, Bo palabra ta bisa den SALMO 64:10 E hende hustu lo ta kontentu den SEÑOR i lo tuma refugio den djE. Señor siñami gosa den Bo. Dunami atrobe e goso di Bo salbashon, i sostenémi ku un spiritu boluntario. Mi kier gosa den Bo amor i mi kier gosa den loke mi tin. Danki ku Bo ta sostené, den nòmber di Bo Yu Cristo Jesus.

Pa pone den praktika riba e dia di awe: 1TESALONISENSENAN 5:18 sea gradisido den tur kos; pasobra esaki ta e boluntat di Dios pa boso den Cristo Jesus.

En-Hakore