E Hustisia di Dios pa medio di fe den Cristo Jesus

Romanonan 3:22 esta, e hustisia di Dios pa medio di fe den Jesu‑Cristo pa tur esnan ku ta kere; pasobra no tin distinshon.

E Hustisia di Dios pa medio di fe den Cristo Jesus, pa tur ku kere den dje, pasombra no tin diferensia.Romanonan kapitulo 3:22 ta bisa ku e uniko manera ku Señor ta hustifiká un persona ta basá riba bo fe (konfiansa) den Dj’É. E hustisia di Dios……hustisia ta ensera “Liber di tur forma di kulpabilidat” ..
E Palabra di Dios ta bisa den Romanonan kapitulo 3:23 ku nos tur a peka (ta pekador) i nos no meresé shelu  kaminda Dios ta.  Esei ta bisa nos ku nos ta kulpabel dilanti di Dios pa e solo echo ku nos ta pekador i Romanonan 6:23 ta bisa ku pago di pika ta morto.

Pero Dios pa medio di Su Gran Amor a manda Su uniko Yu Señor Cristo Jesus pa muri i paga e kastigu di morto ku nos mester a haña. I Ela resucita for di morto mustrando nos ku si nos kere den Dj’É nos tambe lo resusitá huntu kun’É i nos lo ta semper kun’É.

Pesei pone bo fé awe den Cristo Jesus pasobra esei Dios ta mira i e ta justifiká bo. Ku nos bon obranan nos no por ta hustu dilanti di Dios, solamente ku nos fé den Señor Cristo Jesus i e bon obranan lo ta resultado di esei…..i no solamente bon obranan sino lo bo tin un karakter i un bida yena di stimashon i di pas. Dios e ora ei ta hustifika bo pasombra bo fé i konfiansa ta den  Señor Cristo Jesus komo bo Señor i libertador.

Pesei mi ruman i amiga laga Jesus ta bo konfiansa i bo bida lo ta yen di Amor i pas di Dios. I lo bo haña hustisia i bida eterno serka Dios. 

Laga nos ban hasi sigiente orashon na e momentunan aki pidiendo Dios pa bendishoná bo ku su Amor i su pas i ku Su hustisia pa medio di Señor Cristo Jesus. Si bo ta kansa di bida, si bo no tin forsa mas pa soportá situashonnan difísil, si bo ta malu i porta dokternan ta bisa no tin speransa, pone bo konfiansa den Señor i  lo hasié. Korda Dios ta mira bo fé den Cristo Jesus.

Orashon : Señor Dios mi ta bin bo dilanti den e nòmber di Kristu Hesus, mi ta pidi bo pa mi bida na e momentunan aki. Bendishoná mi ku bo pas i bo Amor i laga bo hustisia ta den mi bida según ku mi ta poniendo mi fé i konfiansa den Cristu Jesus só. Señor wak mi ta pasando den situashonnan difisil. Duna mi pas i trankilidat i sea mi fortalesa. Sea mi sanador i mi libertador.Den nòmber di Cristo Jesus …………..Amen.