Nos ta mas ku vensedó den Cristo Jesus

I nan a vens'é pa motibu di e sanger di e Lamchi i pa motibu di e palabra di nan testimonio, i nan no a stima nan bida te na morto. Pa e motibu aki, regosihá, O shelunan i boso ku ta biba den nan. Ai di tera i laman, pasobra diabel a baha bin serka boso ku gran furia, sabiendo ku ta ked'é solamente un poko tempu mas."REV 12:11-12

Hopi ta kere ku ser kristian ta solamente, lesa Beibel, hasi orashon i bishitá iglesia tur djadumingu. Naturalmente esakinan ta nesesario prinsipalmente pa e kresementu Spiritual. Pero kresementu Spiritual ta henteramente otro for di kana un bida viktorioso den Cristo. Hopi ta aseptá Cristo den nan kurason i ta disidi pa biba pa Cristo i ta krese Spiritualmente pero tog nan bida ta un bida ku un ora pa otro nan por kai for di fé. Hebreonan kapitulo 10 versikulo 39 ta anima nos di e sigiente manera: Pero nos no ta di esnan ku ta “kai bek patras” pero di esnan ku tin fe pa salbashon di e alma.

Nos por kompronde anto ku un kristian mester lucha pa tantu krese spiritualmente i tambe pa ta un ganador, maske kuantu prueba i lucha presentá. Kisas awe bo ta den e situashon ku un ora pa otro bo ta laga los òf kisas bo no sa mas kiko hasi. Un predikadó a yega di bisa, si bo no sa kiko hasi, no hasi nada. Dios ta bisa den su palabra den SALMO 46:10 "Sea ketu, i sabi ku Ami ta Dios" Señor ta Dios i E tin tur poder. E a krea nos i E sa kiko nos tin mester. Tambe EKSODO 14:14 ta bisa SEÑOR lo bringa pa boso i boso lo keda ketu." Ki dushi nos Señor ta. Ta djis nos tin ku pone den praktika loke e palabra ta bisa nos.

Algun puntonan ku mi kier kompartí ku bo pa bo bolbe bek na e promé amor. Bai bèk na e obranan!