Pordona, pordoná i un biaha mas pordoná!

Pordona, pordoná i un biaha mas pordoná!
I pordoná nos nos debenan, meskos ku nos tambe ta pordoná nos debedónan. MATEO 6:12
Aunke beibel ta siña nos hopi biaha pa nos pordona ta parse ku esaki ta imposibel pa nos por praktika. E palabra di Dios ta siña nos pa pordoná asina nos tambe ta wòrdu pordoná. MATEO 6:14 ta bisa: Pasobra si boso pordoná hende nan transgreshonnan, boso Tata selestial tambe lo pordoná boso. Mi sa ku ta mas fasil pa bisa ku pa praktik'é. Kon nos por pordona un hende ku a hasi nos daño? Si Dios ta bisa nos pa pordoná, esaki ta pasobra Dios sa ku nos por. Dios no ta pidi nos hasi algu ku nos no por hasi. Dikon pordona? E kontesta ta simplemente pa nos haña pordon. Kuantu biaha nos mes ta falta ku Dios, nos ta falta ku Dios den diferente areanan di nos bida. Nos ta hasta deskuida nos bida spiritual i esaki ta hasi nos Tata tristu. Tambe nos tin ku pordona pa nos orashonnan wòrdu skucha. MARKO 11:25 ta bisa: I ki ora ku boso ta para hasi orashon, pordoná si boso tin algu kontra un hende, pa boso Tata ku ta den shelu tambe pordoná boso boso transgreshonnan. Tambe EFESIONAN 4:32 ta bisa: I sea kariñoso ku otro, miserikòrdioso, pordonando otro, meskos ku Dios den Cristo tambe a pordoná boso. Kon difisil ta pa ta miserikòrdioso ku otro no? i ki difisil pa pordoná. E problema pakiko nos ta kla pa rabia i kome nos rumannan ta pasobra nos falta madures. Ki situashon ku pasa den bo kongregashon ku un ruman bo mester tin un kurason di kompashon i di miserikòrdia i no tuma bo ruman na malu. Kisas ta bèrdat e la papia malu òf hasi malu, pero bo tarea komo un kristian madurá ta pa bai dilanti di Dios i presenta e situashon dilanti di Dios. Kòrda beibel ta siña den EFESIONAN 6:12 Pasobra nos lucha no ta kontra karni i sanger (hende), sino kontra e gobernantenan, kontra e podernan, kontra e forsanan mundial di e skuridat aki, kontra e forsanan spiritual di maldat den e lugánan selestial. Kiermen nos no tin lucha kontra nos rumannan den Cristo sino e podernan di skuridat ku ta bini pa hasi malu. Nos ta siña tambe kuantu biaha nos tin ku pordoná esnan ku hasi malu kontra nos. MAT 18:21-22 ta bisa: E ora ei Pedro a bin i a puntr'E: "Señor, kuantu bes mi ruman lo peka kontra mi, i ami mester pordon'é? Te shete bes?" Jesus a kontest'é: "Mi ta bisabo, no te shete bes, sino te setenta bes shete. Beibel ta papia hopi di e topiko aki pasobra ta semper tabatín i lo tin kosnan ta pasa ku ta trese rabia, pleitamentu, papiamentu i desakuerdo entre rumannan. Atrobe e pregunta dikon pordoná? Ata e versikulónan riba un rei pa bo meditá riba nan. MATEO 6:14 Pasobra si boso pordoná hende nan transgreshonnan, boso Tata selestial tambe lo pordoná boso. MARKO 11:25 I ki ora ku boso ta para hasi orashon, pordoná si boso tin algu kontra un hende, pa boso Tata ku ta den shelu tambe pordoná boso boso transgreshonnan. EFESIONAN 4:32 I sea kariñoso ku otro, miserikòrdioso, pordonando otro, meskos ku Dios den Cristo tambe a pordoná boso. MATEO 5:23-24 "Pesei, si bo presentá bo ofrenda na altar, i ayanan bo kòrda ku bo ruman tin algu kontra bo, laga bo ofrenda ayanan dilanti di altar, i bai; rekonsiliá ku bo ruman promé, i despues bin presentá bo ofrenda. KOLOSENSENAN 3:13 I boso soportá otro i pordoná otro, si un di boso tin un keho kontra un otro; meskos ku Señor a pordoná boso, asina boso tambe mester hasi. LUKAS 6:37 "No huzga, i boso lo no wòrdu huzgá; no kondená, i boso lo no wòrdu kondená; pordoná, i boso lo wòrdu pordoná. Laga nos ban soportá otro den amor manera Kolosensenan 3:13 ta siña nos i pordoná otro. Laga nos prepará nos mes pa ora e trompèt zona, nos no tin ku keda abou. Bo ta dispuesto pa pordoná? Orashon: Señor mi Salbador, Bo palabra ta bisa ku si mi no pordoná, Abo lo no pordoná mi. Mi kier ta obediente na Bo awe i pidi Bo pordoná mi pa mi manera di atende asuntunan ku mi rumannan den Cristo. Mi kier obedesé Bo palabra. Mi ta pordoná tur mi rumannan den nòmber di Cristo Jesus. Amen.

I pordoná nos nos debenan, meskos ku nos tambe ta pordoná nos debedónan. MATEO 6:12

Aunke beibel ta siña nos hopi biaha pa nos pordona ta parse ku esaki ta imposibel pa nos por praktika. E palabra di Dios ta siña nos pa pordoná asina nos tambe ta wòrdu pordoná. MATEO 6:14 ta bisa: Pasobra si boso pordoná hende nan transgreshonnan, boso Tata selestial tambe lo pordoná boso. Mi sa ku ta mas fasil pa bisa ku pa praktik'é. Kon nos por pordona un hende ku a hasi nos daño? Si Dios ta bisa nos pa pordoná, esaki ta pasobra Dios sa ku nos por. Dios no ta pidi nos hasi algu ku nos no por hasi. Dikon pordona? E kontesta ta simplemente pa nos haña pordon. Kuantu biaha nos mes ta falta ku Dios, nos ta falta ku Dios den diferente areanan di nos bida. Nos ta hasta deskuida nos bida spiritual i esaki ta hasi nos Tata tristu.

Tambe nos tin ku pordona pa nos orashonnan wòrdu skucha. MARKO 11:25 ta bisa: I ki ora ku boso ta para hasi orashon, pordoná si boso tin algu kontra un hende, pa boso Tata ku ta den shelu tambe pordoná boso boso transgreshonnan. Tambe EFESIONAN 4:32 ta bisa: I sea kariñoso ku otro, miserikòrdioso, pordonando otro, meskos ku Dios den Cristo tambe a pordoná boso. Kon difisil ta pa ta miserikòrdioso ku otro no? i ki difisil pa pordoná. E problema pakiko nos ta kla pa rabia i kome nos rumannan ta pasobra nos falta madures. Ki situashon ku pasa den bo kongregashon ku un ruman bo mester tin un kurason di kompashon i di miserikòrdia i no tuma bo ruman na malu. Kisas ta bèrdat e la papia malu òf hasi malu, pero bo tarea komo un kristian madurá ta pa bai dilanti di Dios i presenta e situashon dilanti di Dios. Kòrda beibel ta siña den EFESIONAN 6:12 Pasobra nos lucha no ta kontra karni i sanger (hende), sino kontra e gobernantenan, kontra e podernan, kontra e forsanan mundial di e skuridat aki, kontra e forsanan spiritual di maldat den e lugánan selestial. Kiermen nos no tin lucha kontra nos rumannan den Cristo sino e podernan di skuridat ku ta bini pa hasi malu. Nos ta siña tambe kuantu biaha nos tin ku pordoná esnan ku hasi malu kontra nos. MAT 18:21-22 ta bisa: E ora ei Pedro a bin i a puntr'E: "Señor, kuantu bes mi ruman lo peka kontra mi, i ami mester pordon'é? Te shete bes?" Jesus a kontest'é: "Mi ta bisabo, no te shete bes, sino te setenta bes shete.

Beibel ta papia hopi di e topiko aki pasobra ta semper tabatín i lo tin kosnan ta pasa ku ta trese rabia, pleitamentu, papiamentu i desakuerdo entre rumannan. Atrobe e pregunta dikon pordoná? Ata e versikulónan riba un rei pa bo meditá riba nan.

MATEO 6:14 Pasobra si boso pordoná hende nan transgreshonnan, boso Tata selestial tambe lo pordoná boso.
MARKO 11:25 I ki ora ku boso ta para hasi orashon, pordoná si boso tin algu kontra un hende, pa boso Tata ku ta den shelu tambe pordoná boso boso transgreshonnan.
EFESIONAN 4:32 I sea kariñoso ku otro, miserikòrdioso, pordonando otro, meskos ku Dios den Cristo tambe a pordoná boso.
MATEO 5:23-24 "Pesei, si bo presentá bo ofrenda na altar, i ayanan bo kòrda ku bo ruman tin algu kontra bo, laga bo ofrenda ayanan dilanti di altar, i bai; rekonsiliá ku bo ruman promé, i despues bin presentá bo ofrenda.
KOLOSENSENAN 3:13 I boso soportá otro i pordoná otro, si un di boso tin un keho kontra un otro; meskos ku Señor a pordoná boso, asina boso tambe mester hasi.
LUKAS 6:37 "No huzga, i boso lo no wòrdu huzgá; no kondená, i boso lo no wòrdu kondená; pordoná, i boso lo wòrdu pordoná.

Laga nos ban soportá otro den amor manera Kolosensenan 3:13 ta siña nos i pordoná otro. Laga nos prepará nos mes pa ora e trompèt zona, nos no tin ku keda abou. Bo ta dispuesto pa pordoná?

Orashon: Señor mi Salbador, Bo palabra ta bisa ku si mi no pordoná, Abo lo no pordoná mi. Mi kier ta obediente na Bo awe i pidi Bo pordoná mi pa mi manera di atende asuntunan ku mi rumannan den Cristo. Mi kier obedesé Bo palabra. Mi ta pordoná tur mi rumannan den nòmber di Cristo Jesus. Amen.

En-Hakore