Problemanan i nan solushon

Problemanan i nan solushon
Awor tabatin kuater hòmber leproso na entrada di e porta di stat; i nan a bisa otro: "Pakiko nos ta sinta aki te ora nos muri? Si nos bisa: 'Nos ta bai den stat,' anto ayanan den stat tin hamber i ayanan nos lo muri; i si nos keda sinta aki, tambe nos lo muri. Pesei anto ban, laga nos pasa ofer pa e kampamentu di e sirionan. Si nan spar nos bida, nos lo biba; i si nan mata nos, nos lo muri numa." 2 REINAN 7:3-4
Hopi biaha meskos ku e leprosonan aki nos ta haña nos konfrontá ku problemanan i ta yega momentu di tuma desishon pa sali for di e problema. Den e suseso aki nos por saka diferente informashon kon pa nos por usa pa yuda nos tuma bon desishonan pa sali for di problemanan of difikultatnan. 1. Tuma tempu analisá (sinta pensa) e situashon i promé ku e bira mas kompliká te ku bo no sa mas kiko hasi. 2. No sea lihé na husga òf tuma e promé posibel solushon ku bin bo dilanti, wak tur posibilidadnan i nan risikonan i bai pa esun ku tin mas menos risiko. 3. Purba separá for di otro, kosnan ku no tin nada di haber ku e problema mes. Ya bo sa sigur kiko e problema ta i bo por yega na e solushon mas lihé. 4. No keda sintá riba e problema, akshon ta importante i purba na ta habri pa usa otro posibel solushonan si esun ku bo a skohe no ta funkshonando. 5. Tuma un rust i lubidá riba bo problema un ratu, vooral, esaki lo yudabo pensa mas miho ki desihon tuma. 6. Diskuti bo problema ku otro i pidi konsehó. Bo no por forsa un solushon pa un problema drenta bo mente pero sí bo por tene bo mente habrí pa rekonosé kiko bo tin ku hasi i na ki momento. Orashon: Señor, Bo sa tur kos ku mi ta pasando aden i situashonnan ku ta presentá na mi porta. Duna mi sabiduria pa tuma desishonnan korekto. Mi ta rekonosé ku riba mi mes mi no por nada, pesei mi ta presenta Bo e situashon aki. (...nombra e problema) Danki Señor ku Abo tei pa yudami den e situashon aki. Mi ta kopnsiente ku kada difikultat ku presentá den mi kaminda ta oportunidatnan nobo pa konfia den bo i pa siña deal ku kada problema. Den nòmber di Cristo Jesus. Amen.

Awor tabatin kuater hòmber leproso na entrada di e porta di stat; i nan a bisa otro: "Pakiko nos ta sinta aki te ora nos muri? Si nos bisa: 'Nos ta bai den stat,' anto ayanan den stat tin hamber i ayanan nos lo muri; i si nos keda sinta aki, tambe nos lo muri. Pesei anto ban, laga nos pasa ofer pa e kampamentu di e sirionan. Si nan spar nos bida, nos lo biba; i si nan mata nos, nos lo muri numa." 2 REINAN 7:3-4

Hopi biaha meskos ku e leprosonan aki nos ta haña nos konfrontá ku problemanan i ta yega momentu di tuma desishon pa sali for di e problema. Den e suseso aki nos por saka diferente informashon kon pa nos por usa pa yuda nos tuma bon desishonan pa sali for di problemanan of difikultatnan.

1. Tuma tempu analisá (sinta pensa) e situashon i promé ku e bira mas kompliká te ku bo no sa mas kiko hasi.

2. No sea lihé na husga òf tuma e promé posibel solushon ku bin bo dilanti, wak tur posibilidadnan i nan risikonan i bai pa esun ku tin mas menos risiko.

3. Purba separá for di otro, kosnan ku no tin nada di haber ku e problema mes. Ya bo sa sigur kiko e problema ta i bo por yega na e solushon mas lihé.

4. No keda sintá riba e problema, akshon ta importante i purba na ta habri pa usa otro posibel solushonan si esun ku bo a skohe no ta funkshonando.

5. Tuma un rust i lubidá riba bo problema un ratu, vooral, esaki lo yudabo pensa mas miho ki desihon tuma.

6. Diskuti bo problema ku otro i pidi konsehó.

Bo no por forsa un solushon pa un problema drenta bo mente pero sí bo por tene bo mente habrí pa rekonosé kiko bo tin ku hasi i na ki momento.

Orashon: Señor, Bo sa tur kos ku mi ta pasando aden i situashonnan ku ta presentá na mi porta. Duna mi sabiduria pa tuma desishonnan korekto. Mi ta rekonosé ku riba mi mes mi no por nada, pesei mi ta presenta Bo e situashon aki. (...nombra e problema) Danki Señor ku Abo tei pa yudami den e situashon aki. Mi ta kopnsiente ku kada difikultat ku presentá den mi kaminda ta oportunidatnan nobo pa konfia den bo i pa siña deal ku kada problema. Den nòmber di Cristo Jesus. Amen.

En-Hakore