Ma su delisia ta den e lei di SEÑOR, i den Su lei e ta meditá di dia i anochi. Salmo 1:2

Manera mi a bisa anteriormente, hasiendo orashon riba e palabra di Dios nada no por bai robes. Ora nos ta pidi konforme Dios su palabra, nos ta den e boluntat di Dios. Laga nos ban wak kon esaki ta.

Nos ta ban kwe un versikuló den beibel i nos ta ban habrié’.  Nos ta kwe den e kaso aki Josue 1:9
1. E buki di lei aki lo no apartá for di bo (mi) boka,
2. ma bo (mi) mester meditá den djé di dia i anochi,
3. pa bo (mi) pèrkurá di hasi konforme tur loke ta pará skirbí den djé;
4. pasobra e ora ei lo bo (mi) hasi bo kaminda prosperá,
5. i e ora ei lo bo (mi) tin éksito.

Den e kaso aki manera bo ta mira, nos a partie den 5 puntunan. E por wòrdu parti den mas puntonan si bo kier. Riba kada punto bo ta hasi orashon loke bini riba bo kurason. E orashon ku ami lo hasi ta bira lo siguiente:

1. Señor danki pa e buki di lei kual ta Bo palabra. Danki ku mi tin e previlegio di tin’é i ku mi por tin e previlegio di tin mi wowonan pa por lesé. Hopi di Bo yunan ta wòrdu persiguí i nan no tin e libertat ku ami tin di lesa Bo palabra. Yudami Señor pa Bo palabra no apartá for di mi boka.

Segun bo ta bai hasiendo orashon riba e punto unu palabranan ta sigi bini pa bo por hasi orashon na Dios. E Spiritu Santu di Dios lo pone palabranan riba bo  boka i asina bo por keda hasi orashon. Asina nos ta sigi ku e di dos punto.

2. Señor mi kier medita den Bo palabra di dia i anochi. Yudami pa mi mente por keda korda Bo palabra.  Yudami pa kontinuamente mi por keda kòrda riba Bo palabra. Bo palabra ku ta salba, Bo palabra ku ta sana, Bo palabra ku ta libertá ami i tur esnan ku meditá den dje. Señor ku mi por konosé Bo palabra i ku mi por komparti Bo palabra na otronan ku tin mester di djé. Ku mi por tin sabiduria kon pa husa Bo palabra asina e palabra por toka otronan ku bin den mi  kaminda. Señor danki pa Bo palabra. Ku mi por para firme den Bo  palabra.
Asina bo ta sigi ku e siguiente puntunan. Un konseho mi kier a duna bo pa esaki bira mas efektivo den bo bida:

Wak pa bo tin tur ora serka bo un schrift i un pen ora bo ta bai lesa e palabra di Dios.
Skirbi e versikuló den e schrift ku bo a pensa ku esaki lo mi por hasi orashon riba djé.
Parti e versikuló den puntonan ku bo ta bai hasi orashon riba dje.
Kaminda tin “bo” den e versikuló bo ta pone “mi” pa hasi e orashon personal.

Wak e ehèmpel di Josue 1:9 Di e manera aki lo bo tin semper huntu ku bo un versikuló i tambe esaki lo yuda bo memorisa e versikulonan.

Kon pa hasi orashon konforme e palabra di Dios
Orashon pa pordon
Orashon di liberashon
Orashon di restaurashon
Orashon di viktoria
Orashon di interseshon
Orashon pa fortalesa i animo
Orashon pa donnan spiritual
Orashon pa provishon
Orashon pa milager
Orashon di guera
Deklarashon
Palabra di enkurashamentu