Kon mata bo Iglesia!

1. No bini iglesia
2. Si bo bini mes, bini lat
3. Ora bo bini, bini sin smak i rabiá
4. Ora bo sali for di Iglesia, puntra bo mes: Pa kiko tur esaki a sirbimi?
5. No asepta ningun kargo den iglesia. Ta mas miho sigi kritiká otro.
6. Bishita otro iglesianan kada biaha pa siña e pastor ku no ta e ta manda! Bo kier ta independiente.
7. Laga pastor mes gana loke e meresé. Lage hasi tur kos su so.
8. No yuda den nada! Tog bo no ta forma parti di e iglesia.
9. Ora bo bini iglesia sinta te patras, banda di e porta. No kanta! Of si bo kanta mes, kanta bon laf i sin smak.
10. No duna ningun kontribushon, ofrenda  òf bo diesmo. Warda te ora ta bale la pena duna! No ta depende di bo tog ku e obra di Dios ta bai dilanti.
11. No animá e pastor! Si bo a gusta e mensahe, keda ketu.
12. Konta tur e bishitantenan e fayonan di bo pastor. Bo no sa nunka, nan por bin haña sa di otro fuente.
13. Nunka no trese otro hende ku bo òf invitá hende bini bo iglesia. No hasi nada pa gana miembronan nobo, pasombra esei no ta bo trabou sino trabou di pastor.
14. Si tin miembronan animá ku ta traha komo obrero den iglesia i ku ta sirbi e iglesia, no laga di protesta kontra nan.
15. Si bo iglesia pa kolmo ta un iglesia felis i ku armonia, kondené pa su frialdat, indiferensha i falta di celo pa e kosnan di Dios.

Koperando ku e puntonan aki lo bo mata bo iglesia sigur.