Ban wak 2 persona ku Dios a yama i kon nan reakshon tabata.

1. Huesnan 4:4-8 Barak

Aki nos ta haña e historia di Barak. Dios a yame pa bai guera kontra di Sisara. Tende kiko Barak a bisa Debora e profetisa den versikuló 8.
Debora a asepta di bai kune. Dor ku Barak no a duna oído na e yamada, Dios a duna e otro pa hasi e trabou. Kisas Dios no ta yamando nos pa bai guera manera e kaso aki di Barak pero si e ta yamando nos pa un proposito. Kisas Dios kier manda nos un kaminda pa bai predika su palabra. Kisas Dios ta yamando nos simplemente pa ta un testiomio pa otronan. Nos ta hasi kaso na e yamada di Dios. Si nos no tende na e yamada aki manera Barak, Dios lo usa otro na nos lugá.

2. Jonas 1:1-2 Jonas

Dios a yama Jonas pa bai prediká na e suidat di Ninive. E no kier a bai i ela hui.
E kaso aki ta otro for esun di Barak pasombra Jonas a wòrdu bo por bisa kastiga pasombra e no a skucha i hasi kaso di e yamada di Dios.
Si nos no hasi kaso na Dios manera e kaso aki ta ilustra, nos lo tin ku karga e konsekuenshanan.

3. Mateo 4:18-20 Pedro

Akinan beibel ta relatá un historia di un hòmber ku yama Pedro. Dios a hasi un yamada na su vida i mesora ela obedesé Dios.

4. Echonan 9:1-19 Saulo

Akinan beibel ta relata e historia di Saulo ku despues su nòmber a wòrdu kambia den Pablo. Saulo aki tabatá un persona hopi kruel i tabata persigi e kristianan te ora ku Dios a hasi un yamada riba su bida. Lesa versikulo1-5
Nunka ta lat pa asepta e yamada ku Dios tin riba bo bida.

Asina tin hopi personanan den beibel ku Dios a yama nan ku un propósito.
Dios a keda e mesun Dios i ta hasiendo yamada te ahinda na nos, na hendenan.
Dios tin un proposito ku bo vida. Bo sa kaba kiko e proposito aki ta? Bo ta kontestando riba e yamada ku Dios ta hasiendo?

Nos kier laga Dios usa otro hende na nos luga manera a pasa ku Barak?
Of nos ta manera Jonas ku a hui pa e yamada ku Dios tabatin?
Of nos kier ta obedesido manera Pedro i Saulo ku a responde na e yamada?

Dios bendishoná bo!

Si bo kier reakshoná riba e artikuló aki manda bo e-mail na: info@changinglifeministries.org