Pastor Stanley Leito

Stanley a nase na Kòrsou 5 novèmber 1972. Na edat di 19 aña el a duna su kurason na Cristo. Stanley a kuminsa studia na I.B.G. - Bible Institute na Korsou kaminda su pastor ta presidente. Stanley a skohe pa Instruktor di Estudio Biblikó. E la lanta bou di e kobertura di pastornan Norman G.E. Romondt i su kasa Clarisa. Despues a kaba ku su estudio sekular na MTS na Kòrsou, a sigi ku su estudio na Universidat di Antiyas. Despues el a kore stage 6 luna na 1998 na Hulanda. . Na aña 1999 Stanley a disidí di studeer af na Hulanda i su kasa i yu Giannis a bin biba Hulanda. Prome ku bin Hulanda el a wòrdu ordená komo pastor. Yegando Hulanda, mesora e la kuminsa traha pa Señor den dunamentu di estudio Biblikó bou di Stichting Internationale Bijbelstudie Groep i tambe a kuminsa na 2004 ku e obra di Iglesia Cristo Ta Salba Hulanda. Na aña 2001 Stanley a haal di titulo di ING den komputer i na aña 2005 su titulo di Instructor of Bible Studies i na 2006 despues di a pasa dor di awa i kandela Dios a habri porta pa kuminsa ku Changing Lifes Ministries kual CLM Bible Education Center ta forma parti. Aktualmente Stanley ta pastorea Iglesia Changing Lifes Ministries na Maassluis i ta duna estudio biblikó den grupo, via internet i via post. Stanley a bishita diferente seminario di International School of Ministry kaminda e la sigi ku PRACTICAL CHURCH MINISTRIES.