Traha riba bo salbashon ku temor i temblamentu

Filipensenan 2:12-16 Asina anto, mi stimánan, meskos ku semper boso a obedesé, no manera den mi presensia solamente, ma awor muchu mas den mi ousensia, traha riba boso salbashon ku temor i temblamentu; pasombra ta Dios ta esun ku ta obra den boso, tantu pa kier komo pa hasi Su boluntat. Hasi tur kos sin murmurá ni deskutí, pa boso por proba boso mes di ta sin kulpa i inosente, yunan di Dios sin reproche meimei di un generashon korumpí i pèrvèrso, entre kualnan boso ta briya manera lusnan di mundu, teniendo duru na e palabra di bida, pa den e dia di Cristo mi por tin motibu pa gloria, pasombra mi no a kore en bano, ni a traha enbano.

Laganos ban wak prome un tiki historia di e buki aki di Filipensenan i ken a skirbié asina nos por kompronde e situashon ku e persona aki tabata pasa i maske kiko, ela animá otronan pa traha riba nan salbashon ku temor i temblor.

E buki di Filipensenan a wòrdu skirbí dor di apostel Pablo segun e tabata den prison na Roma na e santunan ku tabata na Filipos. E motibu prinsipal di e karta aki ta di pa gradisí nan pa e ofrenda ku nan a manda pé i tambe pa enkurasha nan pa nan permanesé firme apesar di tur sirkunstansha.

Temor

E palabra aki tin 2 nifikason den skritura tantu den e tèstament biew komo e tèstament nobo.

1. Temor den e sentido di miedu

2. Temor den e sentido di reverensia (rèspet)

Temblamentu

Isaias 66:2 ta bisa: Pasobra ta Mi man a traha tur e kosnan aki, i asina tur e kosnan aki a bin na eksistensia," SEÑOR ta deklará. "Ma di esun aki lo Mi hasi kaso: di esun ku ta umilde i ku tin spiritu kibrá, i ku ta tembla pa Mi palabra.

E palabra temblamentu aki Pablo kier pone infasis pa bo traha riba bo salbashon pasobra esaki ta importante.

Nos tin ku traha riba nos salbashon!