Salbashon ta algu individual i nos mes mester traha pa nos yega kaminda Señor kier pa nos yega. Bo sa tin loke nan ta yama automotiva.

Bo sa kon e kristian automotiva ta kana segun Dios? Sin ningun hende mester animé, ekshorté (hala orea), alabé, reprendé, yamé of bishité?

1.       E ta asistí na tur reunionana i aktividadnan di iglesia sin faya

2.       E ta kopera tur ku tin den e obranan di e kongregashon.

3.       E ta biba kada dia pa yega na e santidad ku Dios ta demandá di dje

4.       E ta ofrenda i duna su diesmo (testimonio di mi mes bida di duna)

5.       E ta evangelisa pasombra e kier gana almanan pa Cristo.

6.       E ta kumpli ku tur su deber kristian manera e palabra ta bisa sin ku ningun hende animé.

Un kos ta importante si bo ta stima Dios i bo kier agrada Dios bo ta hasi tur bo posibel pa esaki. Tur kos lo bo hasi ku smak i ku goso pasombra bo ta automotiva. Nos tin ku yega asina lew ku nos bida i nos obranan spiritual no ta depende di stimulashon di afó. Bo no ta keda ku brasanan krusa wardando otro bin bisa bo kiko bo tin ku hasi. (kinderopvang)

No kritika lidernan di kongregashon, akusanan di no ta motiva bo pa bo traha. No para warda otronan bisa bo kiko bo tin ku hasi. Bo sa kiko tin ku hasi den e reino di Dios i bo ta hasie pasombra bo ta motiva.

Laga nos pone nos dilanti pa traha riba nos salbashon. Hopi kos lo bini pa kita bo bista for di esaki pero pone un meta ku ningun hende ni ningun demoño por stroba bo di alkansa bo meta.